Rreth Aktivitetit Zhvillimi Gjithëpërfshirës Ekonomik
Instrumentet e ndërmarrësisë janë një burim gjithëpërfshirës i krijuar për të mbështetur gratë dhe minoritetet në krijimin dhe zhvillimin e bizneseve të suksesshme. Këto instrumente ofrojnë materiale edukative mbi planifikimin e biznesit, hulumtimin e tregut, menaxhimin financiar, së bashku me udhëzues praktik për krijimin e planeve të biznesit dhe zhvillimin e strategjive të marketingut. Instrumentet e ndërmarrësisë përfshijnë mjete, modele dhe korniza, të tilla si modele planesh biznesi dhe spreadsheets financiare, për të thjeshtuar funksionimin. Këto instrumente gjithashtu ofrojnë mundësi mentorimi dhe rrjetëzimi, duke ju lidhur me ndërmarrës dhe profesionistë të fushave të ndryshme. Instrumentet e Ndërmarrësisë janë shoqëruesit tuaj gjatë gjithë rrugëtimit tuaj ndërmarrës, pavarësisht nëse jeni me përvojë ose fillestar.
Zhvillimi Gjithëpërfshirës Ekonomik i Kosovës
Fondi për Zhvillim Komunitar (CDF) është një organizatë joqeveritare me mision të punojë në zhvillimin e komunitetit dhe të krijojë kushte për integrim, qasje të barabartë dhe përfshirje përmes ekspertizës dhe zgjidhjeve inovative, përmes mbështetjes së iniciativave lokale, si dhe ngritjes së kapaciteteve në komunitete.
CDF po zbaton Aktivitetin e Zhvillimit Gjithëpërfshirës Ekonomik të Kosovës (IEE) të financuar nga USAID, i cili është një projekt pesëvjeçar që synon fuqizimin dhe ringjalljen e ndërmarrjeve mikro, të vogla dhe të mesme (NMVM) në pronësi të grave dhe minoriteteve, të ndikuara negativisht nga pandemia Covid-19. Aktiviteti do të rrisë mundësitë ekonomike dhe do të përmirësojë qëndrueshmërinë e NMVM–ve të synuara. Fuqizimi i tyre do të kontribuojë në rritjen e sektorit privat dhe rritjen e integrimit në ekonominë e përgjithshme në Kosovë.
Aktiviteti i Zhvillimit Gjithëpërfshirës Ekonomik i USAID-it synon të avancojë bizneset në pronësi të grave dhe minoriteteve përmes tre objektivave të mëposhtëm reciprok:
- Objektivi 1: Bizneset në pronësi të grave dhe të minoriteteve bëhen më të qëndrueshme përmes asistencës teknike dhe granteve të përshtatura.
- Objektivi 2: Bizneset në pronësi të grave dhe në pronësi të minoriteteve integrohen në tregjet e Kosovës dhe ato rajonale përmes lidhjeve të tregut.
- Objektivi 3: Partneritete të qëndrueshme biznesi midis bizneseve në pronësi të grave dhe bizneseve në pronësi të minoriteteve si dhe shoqatave dhe rrjeteve të tjera të krijuara.
Aktiviteti Zhvillimi Gjithëpërfshirës Ekonomik i USAID-it do të mbështesë NMVM-të e synuara nga gratë – dhe minoritetet, për të rritur:
- Qëndrueshmërinë përmes granteve/financimeve, zhvillimit të rrjetit të asistencës teknike dhe përmirësimit të efikasitetit operacional;
- Integrimin e biznesit në tregjet e Kosovës dhe rajonale përmes lidhjeve të tregut;
- Krijimin e partneriteteve dhe rrjeteve të qëndrueshme ndërmjet bizneseve në pronësi të grave dhe minoriteteve
Rezultatet e Pritura:
- Ngritja e shkathtësive të biznesit për deri në 250 të minoriteteve dhe gra përmes granteve, ndihmës teknike dhe ndihmës sipas kërkesës
- Krijimi i deri në 500 vende pune të reja
- Rritje 100% në shitje të NVMM-ve që marrin mbështetje nga Aktiviteti në vitin e parë pas dhënies së granteve dhe një mesatar prej 20% rritje në shitje në vitet e mëtejshme
- Të paktën 2,000 persona marrin pjesë në ngjarjet dhe aktivitetet e mbështetura nga Qeveria Amerikane
- Të paktën 200 biznese mbështeten përmes të paktën 20 ngjarjeve B2B dhe aktiviteteve të lidhjes së tregut
- Deri në 250 biznese bashkohen në shoqatat sektoriale, dhomat e tregtisë dhe në Platformën Gjithëpërfshirëse për Ndërmarrësinë e Grave
- Deri në 60 biznese trajnohen për franshizë dhe deri në pesë modele franshize të nisen nga bizneset e përbashkëta të grave dhe minoriteteve
- Ngritja e vetëdijesimit përmes pesë fushatave vjetore të konceptuara dhe të zbatuara që mbështesin të paktën 10 biznese të synuara dhe deri në 12 analiza sektorale në vit të publikuara në sektorë të zgjedhur për të rritur shtrirjen
