Prishtinë, 25 prill 2024 – Aktiviteti i Angazhimit Ekonomik Gjithëpërfshirës i USAID-it, në partneritet me aktivitetin USAID Compete Activity dhe STIKK – Shoqata e TIK-ut e Kosovës, priti me sukses tubimin e dytë të ndërmarrësisë si pjesë e Javës së Vajzave në TIK. Kjo ngjarje bashkoi rreth 80 biznese pjesëmarrëse në pronësi të grave nga sektorët e ushqimit, drurit dhe TIK-ut.
Tubimi mundësoi një platformë për të diskutuar sfidat e digjitalizimit dhe zgjidhjet e mundshme, duke u fokusuar në thyerjen e barrierave përmes njohurive të ndara nga gratë sipërmarrëse të suksesshme në industri të ndryshme. Këto diskutime theksuan rolin vendimtar të digjitalizimit në rritjen e efikasitetit dhe konkurrencës së biznesit.
Një pikë kryesore e ngjarjes ishin takimet B2B, ku kompanitë nga sektori i ushqimit dhe drurit u angazhuan me ato të sektorit të TIK-ut. Këto sesione lehtësuan diskutimet formale mbi bashkëpunimet e mundshme, duke eksploruar se si teknologjitë digjitale mund të nxisin efikasitet dhe inovacion më të madh.
