Aktiviteti Zhvillimi Gjithëpërfshirës Ekonomik vë në pah udhëtimin domethënës të Kujtesa Ibishit, themelueses së Studio Harro, një dëshmi e ndikimit të Bootcamp-it të Ndërmarrësisë. Përvoja e Kujtesës thekson rëndësinë e strukturës së trajnimeve, një kombinim i përbërë ngs module si dhe përkushtim, i cili ndihmon në arritjen e qëllimit kryesor për të fuqizuar ndërmarrësit gra dhe pakicë. Fokusi i gjerë i kurrikulës në menaxhimin financiar, proceset e krijimit kreativ, analizën e tregut, shënjestrimin e audiencës dhe artin e prezencës në treg dhe brendimit është çfarë bën dallimin në mesin e pjesëmarrësve.
Historia e Znj. Ibishi fillon me një ndjenjë motivuese, pasi ajo tregon sesi trajnimi i kaloi pritshmëritë e saj, duke ofruar një përvojë gjithëpërfshirëse, të strukturuar mirë dhe të dobishme. Ajo jo vetëm që ka shtuar njohuritë e saj, por gjithashtu ka mësuar ide të reja në fushën e menaxhimit të biznesit dhe qëndrueshmërisë afatgjatë. Nga zotërimi i menaxhimit të kohës dhe menaxhimit financiar e deri te formulimi i strategjive dhe teknikave të dobishme për shënjestrimin e saktë të audiencës, ndikimi i Bootcamp-it ka qenë thelbësor.
Znj. Ibishi më detajisht potencon që “Bootcampi i Ndërmarrësisë personalisht më ka ndihmuar shumë dhe më ka frymëzuar me ide të reja për menaxhimin dhe qëndrueshmërinë e biznesit. Menaxhimi efektiv i kohës, aftësitë financiare dhe idetë e duhura të biznesit janë vendimtare për krijimin e një prezence të fortë në treg. Duke u përfshirë me trajnerët dhe ndërmarrësit e tjerë, kam fituar njohuri të kyçe përtej asaj që mësohet në shkollë.”
Është e sigurt që udhëtimi i Znj. Ibishi nëpërmjet Kampit të Ndërmarrësisë ka sjellë mësime të rëndësishme. I urojmë asaj dhe pjesëmarrësve të tjerë suksese në përpjekjet e tyre profesionale ndërsa vazhdojnë të përdorin shkathtësitë e fituara.
