Matrica e Inovacionit të NMVM-ve në Kosovë (KIMM) është një mjet strategjik i krijuar posaçërisht si pjesë e Projektit IEE për të udhëzuar Ndërmarrjet Mikro, të Vogla dhe të Mesme (NMVM) në Kosovë përmes peizazhit kompleks të inovacionit. Kjo matricë fokusohet në katër komponentë kryesorë thelbësorë për nxitjen e inovacionit:
- Gjenerimi i ideve
- Vlerësimi & Testimi
- Ekzekutimi & Zhvillimi
- Shkallëzimi & Optimizimi
Secili prej këtyre komponentëve ndahet më tej në katër nën-komponentë, secili i përshtatur për karakteristikat unike dhe sfidat e mjedisit të biznesit të Kosovës.
Struktura e KIMM
| Gjenerimi i ideve | Verifikimi & Testimi | Ekzekutimi & Zhvillimi | Shkallëzimi & Optimizimi | |
| Përshtatja e tregut lokal | Ideoni bazuar në nevojat lokale | Verifikoni me akterët lokalë | Zhvilloni duke përdorur burimet lokale | Optimizoni për shkallëzueshmëri lokale |
| Njohuritë mbi rregulloret | Merrni parasysh ligjet dhe rregulloret lokale | Verifikoni pajtueshmërinë | Zhvilloni duke bërë integrimin e pajtueshmërisë | Optimizoni për përfitime rregullatore |
| Qëndrueshmëria financiare | Vlerësimet fillestare të kostos | Testimi i modelit financiar | Sigurimi i financimit fillestar | Optimizoni kostot dhe të ardhurat |
| Përparësitë teknologjike | Vlerësoni mjetet ekzistuese të teknologjisë | Testoni me PMQ ose prototip | Zhvilloni teknologjinë | Optimizoni teknologjinë për shkallëzim |
Si të përdorni KIMM: Një udhëzues hap pas hapi
Identifikoni fazën tuaj
Çfarë do të thotë kjo: Përcaktoni fazën e inovacionit – qoftë Gjenerimi i Idesë, Verfiikimi dhe Testimi, Ekzekutimi dhe Zhvillimi, ose Shkallëzimi dhe Optimizimi – në të cilën aktualisht bën pjesë biznesi juaj.
Shembull: Nëse sapo keni themeluar NMVM-në tuaj dhe po eksploroni nevojat e tregut, ka të ngjarë të jeni në fazën e ‘Gjenerimit të ideve’.
Plotësoni Matricën
Çfarë do të thotë kjo: Përdorni shënime ngjitëse ose shënime digjitale për të shënuar detyrat, sfidat dhe qëllimet për çdo nën-komponent përkatës.
Shembull: Në fushën “Generimi i ideve” dhe “Përshtatja e tregut lokal”, mund të shënoni detyra si “Kryerja e një ankete mbi preferencat e konsumatorëve vendas”.
Prioritizimi i nën-komponentëve
Çfarë do të thotë: Jo të gjithë nën-komponentët janë njësoj të rëndësishëm në të gjitha fazat. Identifikoni cilat janë më të rëndësishmet për fazën tuaj aktuale.
Shembull: Nëse jeni në fazën “Ekzekutimi dhe zhvillimi”, “Sigurimi i financimit fillestar” nën fushën “Qëndueshmëria financiare” mund të jetë një përparësi.
Veproni
Çfarë do të thotë kjo: Përdorni matricën si bazë për veprimet tuaja. Zbatoni detyrat që keni shënuar dhe gjurmoni ato me rigorozitet.
Shembull: Nëse “Optimizo teknologjinë për shkallëzim” është një përparësi, mund të filloni duke përmirësuar serverët tuaj ose duke zbatuar zgjidhje cloud.
Rishikoni dhe përshtatni
Çfarë do të thotë kjo: Inovacioni është një proces dinamik. Rishikoni dhe përditësoni vazhdimisht matricën tuaj për t’iu përshtatur sfidave dhe mundësive të reja.
Shembull: Nëse miratohet një rregullore e re vendore, rishikoni nënkomponentin ‘Njohuritë mbi rregulloret’ për të siguruar pajtueshmërinë.
Duke përdorur KIMM si një ‘dokument të gjallë’ që ju e përditësoni dhe konsultoni rregullisht, ju mund të navigoni procesin e ndërlikuar të inovacionit në mënyrë më efektive. Ky mjet nuk është i njëhershëm; është projektuar për të evoluar me biznesin tuaj, duke ofruar vlerë të vazhdueshme gjersa rriteni dhe shkallëzoni biznesin tuaj.
