Prishtinë, 29 mars 2024 — Një arritje e madhe ndodhi në ngjarjen e fundit B2B në kuadër të Sektorit të Bimëve Mjekësore, pasi u nënshkruan 18 kontrata tregtare midis bizneseve në pronësi të grave dhe minoriteteve dhe farmacive lokale. Kjo tregon një përparim thelbësor drejt nxitjes së gjithëpërfshirjes ekonomike brenda komunitetit.
Organizuar nga Projekti Zhvillimi Gjithëpërfshirës Ekonomik i USAID-it, i zbatuar nga Fondi për Zhvillim Komunitar (CDF), në bashkëpunim me Qendrën për Mbështetje të Bizneseve në Kosovë, ngjarja shërbeu si një platformë për sinergji dhe bashkëpunim. Mbi 20 biznese të synuara u takuan me 10 farmaci lokale, duke shfaqur potencialin për partneritete me përfitim reciprok.
Nënshkrimi i këtyre kontratave tregtare tregon rezultatet e prekshme të përpjekjeve të fokusuara drejt promovimit të gjithëpërfshirjes dhe diversitetit në aktivitetet ekonomike. Duke lehtësuar lidhjet midis ndërmarrësve të nënpërfaqësuar dhe akterëve lokalë, ngjarja jo vetëm që promovon rritjen e biznesit, por gjithashtu krijon një peizazh ekonomik më gjithëpërfshirës.
