CDF ka bërë një punë intensive që nga 1999 për të ndihmuar komunitetet në Kosovë në ringjalljen e situatës së tyre ekonomike nëpërmjet projekteve që kanë si qëllim zhvillimin e aftësive të ndryshme për grupet më të margjinalizuara në Kosovë. CDF synon të vazhdoj me ndihmën ndaj komuniteteve në fushën e zhvillimit ekonomik në projekte që do të përfshijnë:

• Ndërtimin e objekteve komunitare që ndihmojnë zhvillimin e bujqësisë, siç janë qendrat për grumbullimin e qumështit, pemëve dhe perimeve, bimëve mjekuese etj.
  
• Vetëdijesimi i komuniteteve për mundësitë e zhvillimit ekonomik lokal, përmes përpilimit të planeve zhvillimore lokale.
  
• Projekte komunitare për zhvillimin e bujqësisë, ekoturizmit etj.
  
• Projekte për krijimin e të ardhurave për grupet e margjinalizuara
  
• Trajnime aftësimi dhe riaftësimi për komunitete rurale që merren me agrikulturë dhe ekoturizëm
  
• Menaxhimin e tokës

CDF deri tash ka zbatuar 24 projekte në këtë fushë, me vlerë totale rreth 280.000 EUR, dhe më shumë se 1300 përfitues direkt.